Tofauti ya Ujenzi wa Umoja wa Kitaifa kati ya Trump na Magufuli

Posted: November 18, 2016 in Uncategorized

Siku chache zilizopita, Novemba 8, 2016, Wamarekani waliandaa uchaguzi kuchagua Rais mpya ambaye atachukua nafasi ya Mmarekani wa kwanza mwenye asili ya Afrika, Barrack Obama, ndani ya Ikulu ya Marekani (White House) ikiwa ni kikomo cha moja ya kampeni za mgawanyiko zaidi wa uchaguzi katika historia ya Marekani. Mwishoni mwa uchaguzi,  mfanyabiashara mkubwa na tajiri wa majego wa New York, Donald Trump kumshinda mpinzani wake wa karibu, Waziri wa zamani wa Mambo ya Nje, Bi. Hillary Clinton na kuibuka Rais mteule wa 45 wa Marekani.

Chuki za wazi, uadui na matamshi ya hovyo vikawa ni sehemu ya sifa za uchaguzi wa Marekani Ilitukumbusha wazi chuki na machungu tuliyopitia wakati wa Uchaguzi Mkuu wa Tanzania mwaka 2015. Hizi chaguzi mbili inaweza kuwa zimekuja na kuondoka lakini Watanzania na hasa Rais Magufuli analo somo la kujifunza kutoka kwa Marekani. Rais mteule, Donald Trump ameufanya ulimwengu kutoamini anachoongea sasa na kabla ya upigaji kura.

Imejidhihirisha wazi kwa matamshi ya Rais Mteule wa Marekani kuonyesha ni mtu ambaye anaelewa kikamilifu tofauti kubwa kati ya kuwa mgombea wa chama cha siasa na kuwa Rais mteule wa waliokuchagua uongoze mambo ya nchi nzima ikiwa ni pamoja na wale ambao hawakukuchagua kwa kura katika uchaguzi huo. Ukimsikiliza Donald Trump tangu aliposhinda uchaguzi, utabaki kushangaa kama yeye ni yule yule ambaye alirudia neno “crook” kwa ajili ya mpinzani wake, Hillary Clinton na hata kuapa kuhakikisha anamfunga gerezani kama angeshinda uchaguzi.

Vitendo na matamshi ya Rais mteule hadi sasa vimeonyesha ni mtu ambaye kwa dhati anaelewa haja ya umoja na mshikamano wa kitaifa baada ya machungu yenye mgawanyiko wa kampeni za uchaguzi kwa tofauti ndogo katika kile tulichoshuhudia kutoka kwa Rais wetu John Magufuli baada ya yeye kushinda Uchaguzi Mkuu 2015. Hebu tuangalie baadhi ya vitendo na kauli za Donald Trump tangu kushinda uchaguzi: Katika hotuba yake ya ushindi, mfanyabiashara bilionea alionyesha ukomavu kwa mpinzani wake, Hillary Clinton. Alisema: “Hillary amefanya kazi kwa muda mrefu sana na ngumu sana kwenye kipindi cha muda mrefu na sisi tuna deni kubwa la shukrani kwa huduma yake kwa nchi yetu. Kwa umakini sana namaanisha.”Huyo alikuwa ni Trump akizungumza kama mtu ambaye wajibu wake ni kuunganisha wafuasi wote wa Hillary na wafuasi wake mwenyewe, pia. Huyo alikuwa ni Trump ambae anazitoa sadaka hisia zake za kawaida na kuwaomba wafuasi kwa ajili ya maslahi ya umoja wa kitaifa.

Kwa wale ambao hawakuwa upande wake wakati wa uchaguzi, hebu msikie Donald Trump tena anavyosema: “Kwa wale ambao wameamua kutoniunga mkono mimi……., nitawafikia huko kwa ajili ya maelekezo yenu na misaada yenu ili kwamba tunaweza kufanya kazi pamoja na kuunganisha Taifa letu kubwa” Kumbuka, Rais mteule hakusema alikuwa anaenda kutoa kipaumbele zaidi kwa wale ambao walimuunga mkono. Yeye hakusema chochote kuhusu majimbo ambayo hayakumchagua. Yeye aliwasihi wale ambao wanapinga (hawakumuunga mkono) kuwa atawaunganisha na hasa kwa kuwaomba kujiunga naye katika kufanya Taifa lao kuwa kubwa. Sasa, naamini Rais Magufuli ana mafunzo moja au mawili ya kujifunza hapa. Nchi zenye ustaarabu baada ya chaguzi kwisha huwa zinaunganisha wananchi wake na si kuwaadhibu wale ambao hawakukupa kura zao wakati wa uchaguzi. Hakuna anaelezimishwa kumpigia mgombea flani kura, hakuna. Watu wana haki ya kikatiba ya kupiga kura kwa mgombea yoyote katika uchaguzi. Ni akili ya kijinai kuhisi kwamba kila mtu katika nchi yako lazima apige kura kwa ajili yako/chama chako ili asitumbukie kwenye hatari ya kuchukuliwa kama raia daraja la pili na Serikali yake. Haya ni mawazo ya mtu ambaye hajui kuwa hajui lolote ndani ya mifumo ya kidemokrasia. Kama rais, ana mambo mawili kisheria na kimaadili ana wajibu wa kutoa huduma kwa watu wake wote kwa usawa. Jambo la msingi, Rais mwenye busara huenda maili ya ziada kushinda alipotakiwa kukomea kwa kuonyesha upendo kwa wale ambao hawakuwa upande wake katika uchaguzi.

Hata hivyo kampeni za Donald Trump kamwe hazikusita kumshambulia Rais Obama. Ilifikia akahoji uraia wake wa Marekani na alidai kutaka kuona cheti chake cha kuzaliwa. Lakini Trump aliposhinda uchaguzi, aligundua kuwa yeye ni Rais mteule, ana deni kwa watu wa Marekani na huwezi kusikia kusemea mambo kama hayo bali kufanya mambo ambayo yatakuza umoja wa kitaifa. Baada ya kukutana na Obama kwa mara ya kwanza, Donald Trump alimuelezea Obama kama “mtu mzuri sana” na kuahidi kutafuta ushauri wake mara kwa mara. Trump hakumueleza Obama kama rais wa hovyo. Hakuwa na muda wa kuanza kuwaambia waandishi wa habari jinsi Obama na serikali yake walivyoiba mabilioni ya dola. Yeye alisema tu Obama alikuwa mtu mwema sana. Rais Magufuli ana haja ya kulipa kipaumbele karibu sana hili. Ukizungumza kama mgombea ni tofauti na kuzungumza kama Rais mteule au hata Rais aliye madarakani. Ukiwa mgombea, unaweza kusema chochote na kutopata maoni yoyote lakini mara baada ya kutangazwa kama Rais Mteule au Rais kamili matendo yako, kutokuchukua hatua, hotuba na hata kukaa kimya vyote huwa na matokeo. Neno lako kama rais, iwe rais mteule au rais kamili, yanaweza kufanya au kutafsiriwa tofauti na wananchi wako na dunia kwa ujumla. Hata lugha ya mwili wako kama rais inaweza kufanya mambo mengi na wananchi wakaitafsiri.

Ni lazima Rais Magufuli atambue nafasi ya dhahabu iliopotea kwa ajili ya kuponya nchi hii na kuziweka tabaka katika njia ya umoja baada ya mgawanyiko mkubwa na sumu uliojengeka kwa watu hasa wakati wa kampeni za uchaguzi mkuu wa 2015. Badala ya kutengeneza matabaka kwa wale ambao hawakumuunga mkono wakati wa uchaguzi. Ni lazima tuendoe aibu ya mgawanyiko inayoendelea kujionyesha kwamba Rais Magufuli na chama chake hawakuwa wamejiandaa jinsi ya kuponya makovu ya kisiasa hasa kwa wale ambao hawakuwa upande wao wakati wa uchaguzi pamoja na kuhakikisha kwamba aliekuwa mpinzani wake, Edward Lowassa aliefanywa kuangaliwa kama shetani kwa Watanzania, na hata waliomuunga mkono kuonekana ni watu wa kukumbatia ufisadi na kama hilo lingefanyika nchi hii isingekuwa kama ilivyo na kuonyesha mgawanyiko kama ilivyo sasa. Rais anatakiwa kuwa makini sana na matamshi yake na kuachana na maneno yake ya mara kwa mara ya “kuponda” wapinzani au tawala zilizopita kwenye mazungumzo yake, hasa pale anapopenda kutumia “ndiyo tulikua tumefikia hapo” akisahau kuwa watangulizi wake walitoka chama anachokiongoza yeye. Kebehi kwa watangulizi wake katika kila sekta zinatafsiriwa tofauti kuwa katika awamu kadhaa alikuwa Waziri ambaye alikuwa anahudhuria vikao vya Baraza la Mawaziri, je kwenye vikao hivyo haya madudu anayoyaona sasa alikua hayaoni? Na kama alikua anayaona alikua anachukua hatua gani kushauri kurekebisha hali hiyo? Amekua ni mtumbua majipu ambayo ukiangalia kiundani unaweza kuona vita ya kupambana na rushwa ni ya maneno tu. Nitatoa mifano miwili. Mfano wa kwanza ni wa juzi tu ambapo Mkuu wa Mkoa wa Dar es Salaam Paul Makonda alipomwambia Waziri Mkuu kuwa kuna rushwa alipelekewa ofisini kwa ajili ya kumnyamazisha kuacha kupambana na wafanyabiashara wa shisha. Watu makini wanajiuliza RC ni Boss wa Ulinzi na Usalama wa Mkoa, waliomfuata “kumnyamazisha” ilikuaje wakaondoka ofisini au popote walipomuita kumueleza rushwa hiyo na yeye akakubali wakaondoka eneo hilo? Je kuna ukweli katika vita ya rushwa? Mfano wa pili ni Waziri Lukuvi alikuja na tuhuma za kutaka kupewa rushwa ya bilioni tano, hadi sasa hakuna mwenye jibu ziliishia wapi. Sasa wananchi tunajiuliza mapambano dhidi ya rushwa yapo kweli au ni propaganda? Tuhuma za rushwa katika nchi hii zimesababisha mgawanyiko zaidi wa umoja wa kitaifa katika nchi kwa sababu hata watunga sheria wanaposhindwa kutambua uwepo wa TAKUKURU na swala la rushwa kuongelewa kirahisi rahisi inaonyesha ni jinsi gani bado tuna safari ndefu ya kupambana.

Kama rais unaamini watangulizi wako na waliokuwa wapinzani wako wana baadhi ya kesi za rushwa za kujibu, si nafasi yako na hata kutoa maoni juu ya suala hilo. Wewe ni Rais, kazi yako ni kuhakikisha utawala bora kwa mamilioni ya wananchi wako. Kuna taasisi zilizopo kwa ajili ya kupambana na rushwa. Acha taasisi hizo zifanye kazi zao! Huwezi kupambana na rushwa kwa kwenda kwenye vyombo vya habari kumshtaki afisa wa serikali wakati ukijua kuna mamlaka inayohusika na swala hilo. Hebu tujenge ueledi wa kua kimya kukusanya ushahidi dhidi ya watu hao na ushahidi ukikamilika wapelekwe mahakamani! Hapa ndiyo naona kuna somo muhimu zaidi la kujifunza kutoka kwa Rais mteule wa Marekani, Donald Trump; somo ambalo pengine linaweza kutuepusha na mdororo wa uchumi kama Rais wetu angelibaini mapema mara alipochukua madaraka kutoka kwa JK. Ndani ya siku chache za kutangazwa kama Rais mteule, Donald Trump amekamilisha karibu 60% ya mawaziri wake. Hadi ninavyoandika makala hii, tayari candidates wote wameorodheshwa kila nafasi katika baraza lake la mawaziri akisubiri kuapishwa kwake na Congress kupitishwa. Kwa mara nyingine tena, nadhani rais wetu mpendwa Magufuli ana haja ya kujifunza somo moja au mawili hapa. Huwezi kutumia miezi ukiomba kura zao na kuahidi nchi kuwa ya maziwa na asali pekee na kupata kuchanganyikiwa katika jambo la msingi kama vile kutengeneza baraza lako la mawaziri. Umetumia miezi miwili katika ofisi kuleta sura zile zile na hasa za wale waliokuwa washindani wako kwenye chama mkigombania kuteuliwa na chama na ambao wengine utendaji wao umeliumiza Taifa miaka ya nyuma.

Nimekuwa nalisema mara kwa mara narudia kusema, matendo, kutokuchukua hatua, matamshi ya Rais Magufuli tangu kushika madaraka Novemba 5, 2015 kwa namna moja ama nyingine yameigawa nchi hii zaidi kiitikadi na kimtazamo.

Hadi sasa, Rais Magufuli hajaonyesha kwamba ana hekima inayohitajika sana kwa sasa ili kuwaunganisha wananchi. Na bahati mbaya, wasaidizi wake na washauri wote wanathibitika kuwa zaidi ya tatizo kuliko ufumbuzi maana hawawezi kumwambia ukweli Rais zaidi ya kuwa wanafiki na kumwaambia Rais kile anachotaka kusikia tu ili waweze kuendelea kukumbatia nafasi zao na kubaki katika kumbukumbu za vitabu badala ya kumwambia ukweli halisi wakati wote.

Mali kubwa ambayo nchi yoyote inaweza kujivunia ni RASILIMALI WATU, si kutoza kodi kila kitu na wala si dhahabu ambazo zimekuwa zinachimbwa tunaachiwa mashimo. Ni jinsi gani tunaweza kukamilisha hizi rasilimali kwa watu kama hatuwezi kufanya kila sehemu ya nchi kuwa na hisia ya mali na mgawanyo sawa wa keki za Taifa?

Fasihi na ubunifu ndio msingi wa maarifa.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s